SMM (social media marketing) – müştərilərin cəlb edilməsi, saxlanılması və sosial şəbəkələrdə satışın təşkilini təmin edən bir marketinqdir.
Statistik göstəricilərə görə, 18 yaşından 34 yaş aralığında olan insanların 95%-i üçün bir brendi izləmək və onunla məhz sosial şəbəkə vasitəsilə qarşılıqlı əlaqə qurmaq daha rahatdır. Elə SMM mütəxəssislərinə olan böyük tələbat da məhz bununla bağlıdır. Bu, bir çox brend üçün internetdə yeganə irəliləmə kanalıdır.
SMM hər kəsə uyğundur: internet-mağazalara, xidmət və media sferasına və s.
SMM-i biznes üçün vacib edən bir neçə səbəb vardır:
Kontenti irəlilətmək. Bu – bloqdan məqalələr, şirkət yenilikləri, Youtube üçün videolar, yaxud Instagramda yeni malların anonsu ola bilər.
İnfosəbəblərə reaksiya vermək. Çox vaxt şirkətlər sosial şəbəkələrdə öz biznes sferasında olan mühüm hadisələr haqda öz rəylərini bildirir və ya fləşmoblarda iştirak edirlər.
Reklam elanları buraxmaq. Bunun üçün düzgün auditoriya seçmək, reklam qurub büdcəni hesablamaq lazımdır. Bəzən bu məqsədlər üçün xüsusi mütəxəssis – targetoloq cəlb olunur.
Şirkəti irəlilətmək üçün heç də həmişə Insagram və Facebook kimi superpopulyar sosial şəbəkələrdən istifadə etmirlər. Çox vaxt SMM mütəxəssis çox da kütləvi olmayan (nişa) meydança seçirki, böyük ühtimalla orada hədəf auditoriya tapa bilsin. Brendlərin öz məhsullarını irəliləmək üçün təqdim etdiyi sosial şəbəkələrin siyahısı:
Facebook
Instagram
Youtube
Twitter
ВКонтакте
Одноклассники
Мой мир
LinkedIn
Pinterest
Discord
Reddit
SoundCloud və s.
Yerli (lokal) bazarlarda həm də region sosial şəbəkələri vardır. Məsələn, MDB ölkələrində bu – “ВКонтакте” və “Одноклассники”, Çində isə QZonedir. Region sosial şəbəkələrini xarici auditoriya ilə işdə nəzərə almaq vacibdir.
TRAFİKİN BÖYÜDÜLMƏSİ
Sosial şəbəkələrdə publikasiya yardımı ilə istifadəçiləri rəsmi sayta yönəltmək, yəni trafiki böyütmək olar. Bunun üçün məqalə anonsları yazmaq, aksiyalardan söhbət açmaq və s. mümkündür.
Auditoriyanın biznesə qarşı loyal (sadiq) münasibətinin formalaşdırılması.
Sosial şəbəkələrdə loyallıq üzərində işin bir neçə üsulu:
- Daxili (iç) mətbəxi nümayiş etdirmək. Fotolar və videolar göstərin ki, orada dəzgahınızın detalları necə dəqiqliklə kəsdiyi, konditerlərin əlcəkdə tort yığdığı və ambarlarda necə bir ideal səliqənin hökm sürdüyü görünsün.
- Rəyləri bölüşmək. Real insanın foto və videolarla müsbət rəyi əla işləyir (effekt verir).
- Portfolio və keyslər çap etmək. İşlərin fotoları, videolar, əvvəl/sonra formatında keyslər potensial müştəriləri sizdən sifariş etməyə inandıra bilər.
- Əməkdaşlar barədə söz açmaq. Adam adamdan alır ( alış-veriş edir) — biznes sosial şəbəkələrinin devizi bax budur. Əgər siz ofisiant (süfrəçi) Annanın mopsları çox sevdiyini, mühasib Mariyanın isə Avropada təhsil aldığını söyləsəniz, biznesiniz real adamlara – müştərilərinizə bir az da yaxın olacaq.