1.Televiziya reklamı. Üstünlüklər və çatışmazlıqlar

Televiziya reklamı hələ də ən təsirli reklam növlərindən biri olaraq qalmaqdadır. Dünyada ilk televiziya reklamı 1 iyul 1941-ci ildə Amerika televiziya kanallarından birində nümayiş etdirilib. 

İlk nümayiş uğurla planlaşdırılmışdı. Qol saatını reklam edən videoçarx televiziyanın ən fəal baxılan  vaxtı, beysbol matçı yayımından öncə göstərilmişdi.

Televiziya reklamının insanlara xüsusi təsiri vardır. O, onların emosiya və hislərinə toxunmağa qadirdir və digər məhsul irəlilətmə növləri qarşısında bir sıra üstün məqamlara malikdir. 

Lakin televiziyada olan reklamın mənfi cəhətləri də yox deyildir. Bu irəliləmə növünün bütün üstünlük və çatışmazlıqları bu məqalədə araşdırılmışdır.

2.Televiziya reklamının üstünlükləri

Effektivlik. Reklam videoçarxları daha yaddaqalandır, onlar televiziyanın bütün imkanlarından geniş istifadə etməyə imkan verir. Videoçarx yazılışı üçün tanınmış şəxslər dəvət edilir, populyar kompozisiyalardan istifadə olunur.

 Bütün bunlar parlaq təsvirlə birgə tamaşaçı yaddaşında uzun müddət qalmağa qadirdir. Reklam edilən məhsulun təsvirini görərkən, parlaq reklam çarxı sayəsində izləyicidə müsbət assosiasiya əmələ gəlir.

Geniş əhatə. Müasir televiziya yayımı nəhəng ərazi miqyasına malikdir. TV nümayişlərindən başqa heç bir irəliləmə növü geniş potensial müştəri auditoriyasını bu cür əhatə edə bilməz.

Hədəf auditoriya. Televiziya yardımı ilə asanlıqla məhsulun hədəf auditoriyasını tapmaq olar. Məsələn, müəyyən verilişlər zamanı və ya təqdim olunan məhsulun tematikasına yaxın olan məxsusi kanallarda sutkada reklam nümayişinin vaxtını nəzərə alaraq. TV kanalların rəhbərliyi öz reytinqlərini izləyir, ona görə də düzgün seçilmiş verilişlər zamanı reklam hədəf müştəriləri cəlb etməyə qadirdir.

Vaxta nəzarət. Televiziyanın daha bir üstünlüyü də odur ki, reklamın müddətini nəzarətdə saxlamaq imkanı var. İnsanlar ölçülü olan informasiyanı daha asan qavrayırlar, ona görə də reklam çarxları, adətən, 30 saniyəni aşmır. İnformasiyanın xarakteri və mühümlüyündən asılı olaraq, daha artıq effektivlik üçün vaxtı artırmaq olar.

Seçim çevikliyi. Reklam çarxları çəkmək imkanı olmayan və ya sadəcə olaraq, çəkmək istəməyən reklamçılar öz məhsul və ya xidmətinin irəliləməsi üçün variant kimi televiziya elanından istifadə edə bilərlər. Telemətnlər, diktorlar və ya titrlər (altyazı) vasitəsilə informasiya ötürülməsi bura daxildir. Hədəf auditoriyalı verilişlər zamanı bu üsulu işə salmaq böyük fayda verəcək.

Qaynar satışlar. Televiziya reklam nümayişi vaxtı onlayn-satış imkanı verir. Bu, necə deyərlər, qaynar müştəriləri əldən buraxmamaq imkanı yaradır. Məhsul bütün üstünlükləri ilə və bilavasitə ekranda nümayiş olunur, reklamçı ilə əlaqə üçün nömrə görünür. Rahatlıq ondadır ki, alıcıların, evdən çıxmadan məhsul əldə etmək imkanı vardır.

3.Televiziya reklamının çatışmazlıqları

Böyük xərclər. Yüksək keyfiyyətli reklam videoçarxının hazırlanması həmişə yüksək məbləğə başa gəlir. Əlbəttə, sərfəli variantlar da mövcuddur. Lakin bir qayda olaraq, ucuz reklamın keyfiyyəti pis olur və o, aşağı növ reklam kateqoriyasına aiddir. Məhsul haqqında uyğun təəssürat yaradır. Hazırlanma xərcləri ilə yanaşı, əsas xərc çarxın televiziya kanallarında yerləşdirilmə haqqının payına düşür.

Müvəqqəti məhdudiyyətlər. Orta reklam çarxının uzunluq müddəti orta hesabla 30 saniyə çəkir. Məhsulun əsas keyfiyyətləri vurğulandığına görə analoji məhsullar qarşısında həmişə bütün üstünlükləri açmaq olmur.

Neqativ münasibət. Televiziya kanalları reklam dəyərini artırmaqdan ötrü çarxları telepremyeralar, ya da populyar telelayihələr zamanı yerləşdirirlər. Efir toru reklamla yüklənir və zəhlətökən təsir yaradır ki, bu da tamaşaçıların xoşagəlməz reaksiyasına səbəb olur.

Nəzarətin olmaması. Televiziyada reklam nümayişi zamanı tamaşaçının davranışına nəzarət etmək mümkün deyil. Böyük əksəriyyət reklam başlayan kimi kanalı çevirir.

Rəqabət. Müasir dünyada məhsul və xidmətlər bazarı çox genişdir. Demək olar ki, hər gün öz məhsulunu sərgiləmək istəyən yeni istehsalçılar peyda olur. Televiziyadakı reklamla da eyni şeylər baş verir. Oxşar məhsulları olan reklamçılar ən baxımlı efir vaxtı uğrunda mübarizə aparırlar.

İnternetin populyarlaşması. İnternet istifadəçiləri günbəgün artmaqdadır. Statistikaya görə, onlara daha çox gənc nəsil insanlar aiddir. Televiziya tamaşaçılarının əsas kontingenti yaşlı insanlardır. 

İnternet məkanının verdiyi imkanlar müasir cəmiyyətin bütün tələblərinə cavab verir. Sürətli həyat tempi televizor önündə çox zaman keçirməyə imkan vermir. İnternet isə sevimli film və ya verilişlərə baxış zamanı zəhlətökən reklamlar olmadan izləməyi mümkün edir.

4.Nəticə

Bütün irəliləmə növlərinin həm müsbət, həm də mənfi cəhətləri var. Televiziya reklamının müsbət və mənfiləri arasında nəticə çıxararkən o fakt aşkar olur ki, bu cəhətlər təqribən bir-birinə bərabərdir. Satış effektinin gücləndirilməsi üçün məhsul irəlilətməyin ən yaxşı variantı bir neçə üsulu eyni vaxtda istifadə etməkdir.

İnternetə görə televiziya tamaşaçılarının sayının azalması məsələsinə gəlincə, bu, zamanla ona gətirib çıxaracaq ki, televiziya yeni inkişaf mərhələsinə qədəm qoyacaq. Beləcə, onunla birgə televiziya reklamı da yeni imkanlar qazanacaq.
düşmək olduqca vacibdir.